Një incident ka ndodhur sot në Universitetin e Shkodrës, ku një studente i ka hedhur bojë rektorit të Universitetit të Shkodrës, Adem Bekteshi.
Mësohet se në universitet është mbledhur komisioni i etikes lidhur me protestën e studentëve dhe thyerjen e xhamit tek godina e re e fakultetit ekonomik, ku ka marrë në shqyrtim përjashtimin e një studenteje e cila shfaqet duke thyer xhamin.
Ende pa mbaruar mbledhja, një tjetër studente është çuar duke i hedhur bojë, në kokë dhe trup rektorit të Universitetit të Shkodrës, Adem Bekteshi.
Vendimi për përjashtimin e studentes nuk është marrë akoma dhe pritet të merret në vijimësi sepse mbledhja vazhdon.
