Totozani: Fatos Tushe përdori, gjuhë të vrazhdë, ofenduese, arrogante kundër qytetares, në kundërshtim të plotë me funksionet që këta të zgjedhur ushtrojnë
Avokati i Popullit ka reaguar për fjalorin fyes që kryetari i bashkisë së Lushnjes ka përdorur në komunikim me disa tregtarë të këtij qytetit. Përmes një deklarate për mediat, Avokati i Popullit, Igli Totozani, e konsideron të papranueshëm, të padenjë dhe të dënueshëm, fjalorin e përdorur nga kryebashkiaku i Lushnjes z. Fatos Tushe, ndaj disa qytetarëve që protestonin përpara bashkisë, publikuar në një video në media. “Çdo punonjës i administratës shtetërore, qendrore apo vendore, por sidomos të zgjedhurit me votë në krye të pushtetit vendor kanë detyrimin ligjor dhe moral t’u përgjigjen konform etikës dhe rregullave të institucionit, qytetarëve. Madje, janë pikërisht këta të zgjedhur që duhet të preokupohen më shumë se të tjerët për të zgjidhur hallet e qytetarëve dhe jo për t’i denigruar dhe fyer ata. Manifestimet e gjuhës së vrazhdë, ofenduese dhe në shkelje të etikës qytetare janë akte arrogance, në kundërshtim të plotë me funksionet që këta të zgjedhur ushtrojnë”,tha z. Totozani.
Kryebashkiaku i Lushnjes Fatos Tushe fyen rëndë tregtaren
Avokati i Popullit ka reaguar për një të publikuar në faqen online jetaoshqef.al. Video tregon një moment të një bashkëbisedimi mes kryetarit të bashkisë së Lushnjës, Fatos Tushe dhe disa tregtarëve. Me vendim të këshillit bashkiak është vendosur që tregrarët që shesin rrobat e përdorura përreth stadiumit do të zhvendosen diku tjetër. Debati shkon deri në fyerje të tregtarëve.
Debati në video:
Tushe: Shko atje. Atje nuk do të ketë asnjë.
Tregtarja: Ku do hamë, ku do të shkojmë?
Tushe: Jua sqarova, asnjë nuk do të qëndrojë
Tregtarja: Jemi pa bukë ku do të hamë
Tregtarja: Kam 12 kalamaj për të ushqyer
Tushe: Po kush t’i polli ty? Lagjja apo vetë? Rriti vetë! Ec atje tek tregu ku është
Tregtari: Kjo është përgjigja kush i polli?
Tregtarja: S’kam ku të ha! Jam e sëmurë!
Tushe: Mos më ngri mua zërin. Ta fus atë portofolin mu në gojë unë!
Nje tregtar: kryetar avash kryetar, nuk e meriton të jesh
Me kete gjuhe qe na flet ti, nuk e meriton ate post…
Videoja eshte postuar sot në faqen online jetaoshqef.al.
