Nga nesër vetëm një korsi e autostradës Tiranë-Durrës, nga ish-Dogana në Qafë Kashar deri në Vorë do të jetë e hapur për lëvizjen e automjeteve pasi po punohet për vendosjen e sistemit të ndriçimit.
ARRSH dhe Policia Rrugore njoftuan se duke nisur nga ora 8:00 e ditës së nesërme, 8 maj 2019, deri në 17 korrik 2019 qarkullimi i mjeteve në pjesën ku do të kryhen punimet do të jetë me shpejtësi të reduktuar, ndërsa lëvizja e mjeteve do të drejtohet në 1 korsi.
Punonjësit e ARRSH, Policisë Rrugore dhe mirëmbajtjes do të jenë në terren për mbarëvajtjen e ndërhyrjes dhe orientimin e trafikut sipas planit të menaxhimit të miratuar.
