Këshilltari ekonomik i Grupit Parlamentar të CDU në Bundestagun gjerman, Martin Henze
komenton aktualitetin politik në Shqipëri, si dhe prespektivën integruese në një intervistë për
gazetën “Panorama”.
Sipas Henze, kriza politike në vend mund të zgjidhet nëse krijohen kushte për garantimin e besimit
në të gjitha partitë.
Ai thekson se duhet miratuar një reformë zgjedhore, e aprovuar edhe nga Gjykata Kushtetuese.
Këshilltari i CDU-së mbështet edhe idenë e liderit të PD, Lulzim Basha për krijimin e një qeverie
tranzitore dhe për zhvillimin e zgjedhjeve të parakohshme.
Sa i takon integrimit të vendit, Henze kritikoi politikën e jashtme të qeverisë shqiptare, duke
theksuar se po krijohen teza nacionaliste për të shkëputur vëmendjen nga problemet e
brendshme.
“Muajt e fundit konfliktet politike në Ballkanin Perëndimor, sidomos në Shqipëri, janë bërë më
akute. Aktorët politikë po flasin sërish për një lëvizje etno-nacionaliste në Shqipëri që është
totalisht e gabuar. Rama i mbështetur edhe nga presidenti i Kosovës, Thaçi ka artikuluar disa herë tezën e bashkimit Kosovë-Shqipëri, një nosn sens, pasi e ardhmja e këtyre dy vendeve duhet dhe është Europa. Faktori i brendshëm në Shqipëri është se qeveria dëshiron të shkëpusë vëmendjen nga problemet e shumta në politikën e vendit. Në 5 vitet e fundit, qeveria Rama nuk ka arritur të sjellë një zhvillim politik dhe ligjor në Shqipëri. Përkundrazi, korrupsioni është në nivele të frikshme, është rritur kriminaliteti, varfëria, papunësia, eksodi i të rinjve jashtë Shqipërisë, ka projekte të korruptuara me PPP, po ashtu alarmante janë raportet e huaja për trafikun e drogës. Një tjetër pikë është sistemi ligjor, jofunksional, pasi Gjykata Kushtetuese dhe e Lartë kanë më shumë se një vit që nuk funksionojnë. Pra, s’mund të kryhet kontroll i qeverisë dhe parlamentit dhe askush s’ka mënyrën për të apeluar të drejtën kushtetuese dhe kjo është tragjike. Kjo nuk i përmbush standardet minimale për një sistem demokratik dhe them me bindje se Shqipëria nuk ka një demokraci parlamentare funksionale”, tha Henze, duke e lidhur këtë situatë problematike edhe me zhvillimin zgjedhjeve në Shqipëri.
“Si mund të kryhen zgjedhje demokratike në një sistem parlamentar jofunksional. Në kushte të tilla,
nuk ka negociata pranimi në BE. Kjo mund të arrihet duke luftuar problemet e shumta të
Shqipërisë si papunësia, mungesën e sistemit ligjor, institucione të dobëta dhe të korruptuara, ikjen
masive etj. Opozita dhe një pjesë e madhe e qytetarëve me të drejtë kërkojnë një ndryshim
rrënjësor dhe duhet thënë se zgjedhjet janë gjithmonë një sistem demokratik për të zgjidhur situata
të vështira. Një format i mundshëm do të ishte me siguri një qeveri tranzitore. Propozimi i zotit
Basha është shumë interesat dhe problem-zgjidhës”, tha këshilltari i CDU.
/Panorama/
