Dy ditë më parë kryeministri i vendit Edi Rama ka ushtruar presion ndaj kryeministrit kosovar Rramush Haradinaj gjatë samitit të Berlinit për të hequr taksën për mallrat serbe.
Këtë lajm e ka konfirmuar edhe Behgjet Pacolli, i cili shprehet se vetë kryeministri Rama ka deklaruar në samit se taksa duhet të hiqet që dialogu të shkojë përpara.
“Edhe kryeministri në fjalimet e veta është parë pak a shumë një distancim sa i përket taksës sepse ka ndërhyrë edhe kryeministri i Shqipërisë, i cili e pohoi se dialogu mund të shkojë përpara, se taksa duhet të hiqet, edhe pse nuk ka thënë drejtpërdrejt se taksa duhet hequr. Ka qenë një atmosferë e tillë, Haradinaj ka pikëpamjet e veta”– tha Pacolli.
