Pas aksionit të policisë për të gjetur autorët e grabitjes, ish-kryeministri Sali Berisha hedh dyshime se policia po kërkon atje për autorë të rremë të grabitjes në Rinas.
Përmes një postimi në facebook ai shton se operacioni i koduar me emrin “Fredi Alizoti”. Sipas tij autorët e vërtetë të grabitjes u arratisën.
Statusi i plotë
Vazhdon me sukses në Elbasan operacioni me emër të koduar “Fredi Alizoti”.
Miq, prej katër ditësh, për të maskuar grabitjen shtetërore të shekullit në Rinas, narkopolicia me urdhër të Norieges dhe Gjeneral Kanabisit, badiguardi i Eskobarit ka nisur operacioni me emër të koduar “Fredi Alizoti”.
Për këtë qëllim, pasi e informuan të zhdukej, shpallen në kërkim Klement Çalën dhe tani janë vërsulur në arrestime të të afërmve të Çales, njerëz që në jetën e tyre nuk kanë të rregjistruar ndonjë shkelje ligji por me shpresën e pashuar se ndonjëri prej tyre do pranoj të luaj rolin e Fred Alizotit në grabitjen shtetërore të shekullit.
Përveç kësaj, narkos me uniformë po kërkojnë strofullën se ku do ti vendosin disa dhjetra mijra euro, njëlloj si në rastin e parë që i futën në frigorifer dhe tenxhere me presion për të faktuar se u gjetën dhe paratë që nuk u “dogjën” nga policia por u poqën.
Kësaj radhe po provojnë lavatriçe, mikrovalë, qypa balte, gjere dhe katryve ujë.
Miq, le të ndjekim gjer në përfundimin me sukses spektakolar operacionin “Fredi Alizoti”. sb
