Kryeministri Edi Rama ka reaguar në “Twitter” pas publikimit të raportit për lirinë e medias në vend nga organizata botërore “Reporterët pa kufij”.
Rama shprehet se me këtë qeveri nuk ka media të shantazhuar e liri të mohuar, ndërsa i quan “virgjëresha” ata që rrihnin plagosnin gazetarë e sot bëjnë moral.
“Një pasqyrë kujtese “virgjëreshave” që vrisnin qytetarë, rrihnin e plagosnin gazetarë dhe sot bëjnë moral! Ka ende shumë për të bërë për lirinë e medias dhe ndarjen e lumit të informacionit nga llumi i kazanit po ashtu. Por me këtë qeveri s’ka media të shantazhuar e liri të mohuar!”, shkruan Rama teksa publikon edhe një renditje të Shqipërisë për lirinë e medias nga viti 2014 deri në vitin 2018.
Nga kjo renditje shihet se Shqipëria në vitin 2017 është në vendin e 76-të ndërsa sivjet rradhitet në vendin e 82-të.
