Një zjarr i madh ka përfshirë pasditen e sotme katedralen e famshme të Notre-Dame në Paris.
Tymi i zi që del nga çatia e katedrales është i dukshëm në pjesën më të madhe të Parisit.
Sipas informacioneve të para besohet që zjarri ka rënë në pjesën ku po bëhen restaurimet e objektit.
Vitin e kaluar, Kisha Katolike në Francë bëri thirrje urgjente për fonde, për të shpëtuar katedralen, ndërtesën gotike 850 vjeçare. Një operacion i madh është duke u zhvilluar për të shuar flakët e zjarrit i cili shpërtheu pasditen e sotme.
Nuk dihen ende shkaqet e shpërthimit të këtij zjarri.
