Koalicioni i Vëzhguesve Vendorë (KVV), si një ndër aktorët e shoqërisë civile ka ndjekur pa ndalesë ecurinë e punës se Komisionit të Reformës Zgjedhore.
Me këtë qëllim KVV rikujton se ky komision u ngrit nga Kuvendi me vendim nr:102/2017 me qëllim hartimin e ndryshimeve të kuadrit ligjor zgjedhor për trajtimin e rekomandimeve të raporteve të ODIHR-it për tre zgjedhjet e fundit 2013, 2015 , 2017.
Komisioni i Reformës zgjedhore e ka përfunduar misionin e tij më 21 shkurt 2019, por nga ana tjetër Kuvendi i Shqipërisë me anë të vendimit nr. 45 /2019 zgjat afatin e veprimtarisë së këtij komisioni deri më datë 5 maj.
Për këtë arsye, ku më pak se dy muaj na ndajnë nga zgjedhjet vendore, KKV i bën thirrje të fortë Komisionit të Reformës Zgjedhore dhe konkretisht dhe Bashkëkryetarit të ri të këtij komisioni, Z. Damian Gjiknuri, që sa me shpejt të jetë e mundur, Komisioni të fillojë nga puna, duke plotësuar numrin e anëtarëve të rinj në këtë komision, pas ngërcit të kriijuar me “djegien” e mandateve nga opozita e bashkuar.
Koalicioni i Vëzhguesve Vendorë inkurajon Komisionin e Reformës Zgjedhore në realizimin dhe finalizimin e kësaj Reforme, që të jetë një Reformë sa më gjithëpërfshirëse, konsensuale e gjithëpranuar nga i gjithë faktori politik në vend.
Reforma zgjedhore eshte një ndër kushtet themelore që të hapen dhe negociatat në qershor 2019 për të qënë anëtarë të denjë në familjen europiane.
