Ish- kreu i Grupit Parlamentar të LSI-së, Petrit Vasili ka reaguar pas lajmit që Holanda do të lobojë në BE për rikthimin e vizave për vendin tonë.
Përmes një postimi në “Facebook”, Vasili shkruan: “Na rroftë kryeministri se vizat po na lenë, kjo është e keqja më e madhe që mund t’i bënte rilindja shqiptarëve”.
Postimi i plotë
Na rroftë kryeministri se vizat po na lenë. Holanda kërkon në parlament rikthimin e vizave për shqiptarët. Të keqe më të madhe se kaq rilindja nuk mund t’u bënte shqiptarëve. Heqja e Vizave në vitin 2010 i dha fund poshtërimit të shqiptarëve në dyert e ambasadave, i dha fund mafies së vizave si dhe i dha fund izolimit të tyre. I vetmi, që thoshte se 1 milion shqiptarë do të ikin sapo të hiqen vizat është pikërisht ky që është sot kryeministër. Një sukses të zi ky kryeministër e ka arritur.Atë që nuk ndodhi në 2010 e realizoi ky nga 2013 e këndej duke përzënë 1 milion shqiptarë nga Shqipëria dhe duke bërë që europianët të kërkojnë rikthimin e vizave. Më mirë të ruajmë heqjen e vizave për shqiptaret dhe ti vëm vizën këtij kryeministri.
