Në Universitetin Bujqësor të Tiranës po zhvillohet sërish sot një protestë nga pedagogë dhe studentë të këtij universiteti. Ata kanë bojkotuar mësimin sepse brenda UBT po prishet vreshta ku studentët bëjnë praktikën dhe është planifikuar të ndërtohet një shkollë.
Profesori i Hortikulturës në UBT, është shprehur se ata nuk janë njoftuar për këtë zhvillim, dhe thotë që në këtë truall që Bashkia po përpiqet të ndërtojë shkollën është dhe ka qene një vreshtë, shumë e rëndësishme për praktikat mësimore.
“Bashkia e Tiranës nuk ka njoftuar askënd. Unë kam qenë student ktu në Ubt, dhe ka qenë një vreshtë, po zhvillohet një politikë otomano-komuniste. As unë as studentët nuk jemi kundër pronës private se dhe mua më kanë uzurpuar dhe i kërkoj shtetit të më kthejë. Të mos preket kampusi Universitar. Nuk jemi kundët ndërtimit të shkollës po ta ndërtojnë pak më tutje. Po terrorizohen studentët nga Policët. Pronarët duhet të kuptojnë që shkon në kundërshtim me interesin publik. Limonat e shtrydhur të politikës ta mësojnë që ka qenë vreshtë didaktikë kjo tokë. Ka qenë një laborator natyror, nuk ka qenë fidanishte. Kolegët duhet të vijnë të protestojnë për një aset kombëtar, për një interes të përgjithshëm”, është shprehur më tej pedagogu.
