Zëvendëskryetari demokrat i Komisionit të Sigurisë Kombëtare, Flamur Noka, kërkesë Kuvendit
Partia Demokratike kërkon zyrtarisht informacion dhe transparencë nga kryeministri në lidhje masat e marra për pritjen dhe trajtimin e shtetasve iranianë, ish anëtarë të organizatës MEK. Përmes një letre drejtuar Kuvendit, Zëvendëskryetari i Komisionit të Sigurisë Kombëtare, Flamur Noka, kërkon informacion për masat e marra, për kapacitetet pritëse, për standartet e ofruara, për trajtimin e tyre. Noka kërkon gjithashtu numrin e saktë të personave të mbërritur, sa pritet të vijnë dhe afatet kohore. A e kanë statusin e refugjatit, a janë regjistruar lëvizjet e tyre, etj.
“Duke e vlerësuar partneritetin strategjik me SHBA dhe duke garantuar mbështetjen maksimale të objektivave të përbashkëta, PD e konsideron këtë cështje si të rëndësishme në fushën e sigurisë kombëtare dhe kërkon të dhëna të plota mbi ecurinë e procesit”, theksohet në kërkesën e PD-së.
