Kreu i PD-së në Librazhd, Bujar Vreto si dhe 5 persona të tjerë janë proceduar penalisht nga policia e Librazhdit pasi këta persona po protestonin kundër kryeministrit dhe qeverisë “Rama” në hyrje të qytetit.
Mësohet se personat e proceduar janë Arben Kurti, Roland Abazi, Xhevdet Balliu, Florant Vreto dhe Arjanit Leka.
“Demokrate dhe qytetare te lire te gjithe para policise se po kercenohen duke u therritur ne polici njerzit e pafajshem!
Drogmeni ka urdheruar policine dhe po kerkohen demokratet dhe qytetaret e lire te paraqiten ne komisariatin e Librazhdit.
Nuk na tremb o i mbaruar…”-shkruan Vreto në faqen e tij në rrjetin social Facebook.
Mësohet se pas ndërhyrjes së policisë janë larguar nga vendodhja paqësisht edhe personat e tjerë që i ishin bashkuar protestës së kreut të PD-së së Librazhdit, Bujar Vretos.
