Janë shkarkuar sot nga detyra dy drejtuese të larta, Drejtorja e Doganave, Belinda Ikonomi dhe Drejtorja e Tatimeve, Vasilika Vjerro.
Zëvendësuesi i Ikonomit te Doganat do të jetë Arlind Gjokutaj, më herët Drejtor i Pastrimit të Parave, ndërsa Vjerro do të zëvendësohet nga Enton Duro, drejtor në Ministrinë e Financave.
Bëhet me dije se zonja Ikonomi pas largimit nga Doganat do të marrë postin e zëvendës ministres se Ekonomisë. Ndërkohë që nuk dihet posti që do të mbajë Vasilika Vjerro në të ardhmen.
Mësohet se lirimi i tyre nga detyra ka ardhur me propozim të Ministrisë së Financave dhe Ekonomisë në mbledhjen e sotme të qeverisë.
