20 persona, shumica shqiptarë janë arrestuar nga ana e policisë italiane të akuzuar për importin, posedimin dhe shpërndarjen e sasive të mëdha të drogës, përfshirë marjuanën, kokainën dhe heroinën. Midis të arrestuarve, 16 janë shqiptarë, disa prej të cilëve jetojnë në Leçe, një turk dhe tre italianë nga Salento.
Tre italianët e arrestuar janë identifikuar si Marco Franchini, 44 vjeç, Fabio Marzano 50 vjeç, dhe Salvatore Giovanni Pacifico, 52 vjeç.
Ata shpërndanin drogë në Leçe, Salento, Lazio, Lombardia dhe Emilia Romagna.
Policia Italiane bën me dije se sipas dokumenteve të hetimit, të arrestuarit janë pjesë e një organizate ndërkombëtare të trafikut të drogës heroinë dhe marihuanë, që ka vepruar jo vetëm në Itali, por edhe në Shqipëri, Turqi dhe Holandë.
