Presidenti grek, Prokopios Pavlopoulos i ka dërguar një mesazh tjetër Shqipërisë, në lidhje me integrimin europian, ku tha se mosrespektimi i minoritetit grek dhe pretendimet për çamët, përbëjnë dy pengesa të pakapërcyeshme për Shqipërinë drejt Bashkimit Europian.
Pavlopoulos i bëri këto deklarata nga Podgorica ku zhvilloi një vizitë dy ditore.
Gjithashtu ai deklaroi se nëse Turqia, Maqedonia e Veriut dhe Shqipëria duan një perspektivë europiane, duhet të respektojnë kuadrot ligjore europiane dhe ligjet ndërkombëtare.
“Greqia nuk e kundërshton perspektivën europiane të Shqipërisë, por sjellje si ato ndaj minoriteti grek përbëjnë një pengesë të pakapërcyeshme për rrugën e Shqipërisë drejt Bashkimit Europian. Një tjetër pengesë lidhet me çdo pretendim të të drejtave të të ashtuquajturëve çamë shqiptarë, të cilët kanë qenë bashkëpunëtorë të pamëshirshëm të nazistëve, siç e ka vërtetuar historia”, ka thënë ai.
