Tuzi do të drejtohet nga shqiptari Nikë Gjeloshaj, i cili ishte kandidati i përbashkët i koalicionit të tre partive: Alternativa Shqiptare, Lidhja Demokratike Shqiptare dhe Unioni Demokratik Shqiptar.
Koalicioni “Forumi shqiptar”, gjatë fushatës garoi me parullën “Malësia na bashkon” dhe arriti të marrë reth 50% të votave.
Kjo fitore e shqiptarëve është komentuar edhe nga kryeministri I Kosovës, Ramush Haradinaj.
Nëpërmjet një shkrimi në Facebook, Haradinaj ka uruar shqiptarët dhe është shprehur se uniteti i shqiptarëve është garant suksesi.
“Bashkimi në koalicion i subjekteve politike shqiptare, fitoi të drejtën për të qeverisur me Tuzin. Një shembull i shkëlqyer se uniteti i faktorit shqiptar sjell suksesin. Urime shqiptarëve të Tuzit për këtë fitore historike! RH”, shkruan Haradinaj në Facebook.
