Teksa mijëra qytetarë nga rrethet janë nisur në drejtim të kryeqytetit, nuk kanë munguar as tensionet me policinë, të cilët kanë ngritur postoblloqe për kontrollin e protestuesve.
Burime për Fax News bëjnë me dije se në Krybushat të Shkodrës ka pasur tensione të gjata mes policisë dhe protestuesve, pasi ata kanë refuzuar që t’i japion listën e të pranishmëve uniformave blu.
Policia ka fotografuar listën e udhëtareve. Protestuesit jane shprehur se ky është një provokim i hapur që i bëhet qytetarëve që nisen nga Shkodra.
Nga ana tjetër në këtë qytet sipas kreut të demokratëve ka pasur presione dhe mbi shoferët e autobusave.
Të njëjtin shqetësim ka ngritur dhe për qarkun e Dibrës dseputeti Xhemal Gjunkshi, i cili ka akuzuar direkt personin që ka linjën e autobusave Dibër-Tiranë.
‘’Ajo që të bie në sy është se Policia vijon presionin, ka tre pika që ushtron kontroll. U ka marrë shënim të gjithë personave emrat dhe kartën e identitetit. Është dhënë urdhër që asnjë furgon të mos lëvizë në drejtim të Tiranës, por qytetarët janë organizuar dhe janë nisur me mjetet e tyre”, shprehet Gjunkshi.
