Trajneri i kampiones botërore në xhudo Majlinda Kelmendit, Driton Kuka, ka publikuar një fotografi mjaft interesante.
Fotografia tregon Majlinda Kelmendin teksa jep një intervistë për televizionin japonez ndërsa në televizionin francez jepet lajmi për triumfin e Dua Lipës në ngjarjen më të rëndësishme botërorë të muzikës siç është Grammy.
Edhe vetë Kuka, ka shkruar se ndihet i motivuar me këto pamje, teksa ka theksuar se të rinjtë shqiptarë po e pushtojnë botën.
“Pamja ime sot në Hotel në Paris! Majlinda intervistë për Tv Japonez ndërsa në TV Francez po flitet për Dua Lipën. Të rinjtë shqiptarë po pushtojnë Botën!”, ka shkruar Kuka.
