Ish-kryeministri Sali Berisha i është përgjigjur akuzave të kryeministrit Edi Rama se nuk i kanë dhënë vizë në ambasadën e SHBA. Në lidhje telefonike për “Opinion” Berisha tha se është vendim i tij për të mos marrë pjesë në vizita apo tryeza zyrtare sa kohë që është terhequr nga lidership i PD-së. “Kurrë nuk më është refuzuar viza. Më ka sugjeruar amasadori i atij vendi që të bëj vizitë dhe i kam dhënë jo nuk shkoj, jam person privat”, deklaroi Berisha.
Pjesë nga deklarata e tij në Opinion mbrëmjen e sotme
“Para 1 jave tha (Rama) se ke marrë një mesazh. Sot thotë se nuk kaloj Atlantikun. Që nga dita kur kam lënë detyrën time, nuk kam bërë asnjë kërkesë për vizë për të shkuar në asnjë vend të globit. Unë e konsideroj veten një person privat. Nuk më është refuzuar asnjë vizë. Më kanë ardhur me dhjetëra ftesa, i kam refuzuar thuajse të gjitha. Unë kam dhënë dorëheqje dhe nuk më shkon mua nga një zyrë në një tjetër. Kam qenë në vetem në mengjesin e lutjeve”.
