Pas vjedhjes së banëkës së nivelit të dytë në Tepelenë, Policia ka arritur të identifikojë autorin e ngjarjes dhe vijon punën për kapjen e tij.
Në njoftimin e policisë thuhet se gjeneralitetet nuk bëhen publike për arsye hetimi.
“Në vijim të informacionit për vjedhjen me armë në një filial të një banke të nivelit të dytë në qytetin e Tepelenës, ju informojmë se:
Falë reagimit të shpejtë dhe profesional të Drejtorisë Vendore të Policisë Gjirokastër dhe Policisë lokale, në kohë reale është bërë i mundur identifikimi i autorit të dyshuar të vjedhjes me armë.
Për arsye hetimi nuk bëhen me dije gjeneralitet
Policia është vënë në ndjekje të autorit, duke përdorur të gjitha format e metodat operacionale dhe hetimore për të bërë të mundur kapjen e tij”, – thuhet në njoftimin e policisë.
Kujtojmë se pak më parë dolën detaje të reja nga ngjarja e ndodhur në Tepelenë ku viktimë e maskave kësaj radhe ka qenë një bankë e nivelit të dytë.
Sipas burimeve të Fax Web bëhet e ditur se është vjedhur një sasi parash prej 5 milion lekë të vjetra.
Të njëjtat burime thanë se grabitësit kanë evituar patrullën e policisë që ka qenë në qarkullim. Ndërkohë, mësohet gjithashtu se gjatë aktit të grabitjes, banka nuk ka dhënë asnjë sinjal alarmi për të lajmëruar policinë në kohë.
Personi që ka grabitur bankën ka qenë i armatosur dhe pasi ka hyrë brenda ka kërcënuar punonjësit, të cilët shprehen se ndjehen të tronditur, pastaj ka marrë një shumën prej 5 milon lekë të vjetra dhe është larguar me anë të një makine që e priste jashtë bankës.
/ Faxweb.al/
