Nga Çapajev Gjokutaj
Ti je i ri, ndihesh i fortë dhe i sigurt. Përjetoje këtë ndjesi. Thuaja vetes herë pas here, që të ndihesh edhe më i fortë e më i sigurt, se gjëja shtohet kur e pohon.
Gjithsesi mos harro një gjë. Falë forcës, zotësisë dhe fatit mund të fitosh shumë beteja. Por, sido që ta bjerë hera, është e sigurt se të paktën një betejë do ta humbasësh. Të fundit, por më të rëndësishmen, betejën me vdekjen.
Kujtoje herë pas here edhe këtë, se të bën më njerëzor. Të nxit ta shohësh tjetrin, atë buzëplasurin nga jeta, si të ngjashmin tënd.
E thotë dhe i lashti: Trupi pastrohet në ujë, shpirti – në dhimbjen e tjetrit.
