Kohët e fundit po flitet gjithnjë e më shumë për aleanca midis skuadrave të ndryshme dhe kështu që gara për titujt e sezonit po bëhet gjithnjë e më e pavërtetë. Teatër nëpër fushat e futbollit, që më pas vazhdon edhe nëpërmjet deklarave publike. Viktimë e rezultateve të paracaktuara, më shumë e kushdo duket të jetë Partizani. Laçianët dhe korçarët luajnë për njëri-tjetrin dhe tashmë duket qartë që kurbinasit do të tolerohen për të mbërritur në finale e Kupës së Shqipërisë, ndërsa kampionët do të shpërblehen në rrugën për titullin e gjashtë kampion rresht. Skënderbeu i fiton lehtësisht të gjitha ndeshjet me Laçin në kampionat, ndërsa Partizani nuk e ka këtë luks, ndërkohë që në gjysmëfinalen e kupës, trajneri Josa hodhi në fushë përballë fituesve të këtij trofeu vetëm gjysmën e skuadrës dhe më pas deklaroi me arrogancë: “Askush nuk ka shanc të bëj llogaritë tona”. Por mjafton që dikush të ketë mbaruar klasën e katërt dhe i bën menjëherë ato llogari të thjeshta, pasi kampionët nuk po sillen si të tillë, ndërsa përfundimi i atyre llogarive dihet. Lojtarë që ecnin në fushë, madje një indiferentizëm i çuditshëm i vetë Josës, kur kundërshtarët mbetën me dhjetë futbollistë… Dhe në fund tentoi të bënte kampionin prepotent përballë mikrofonëve. Ndërsa Partizani po vuan edhe mëkatet e veta, pasi sezonin e kaluar e ndihmoi hapur Laçin pikërisht për të mbërritur në finalen e Kupës së Shqipërisë, ndërsa tani po i “kthejnë” nderin.
Kombëtarja e të rejave U20 mundet nga Serbia me 94 pikë diferencë! Këto janë talentet e shkollave 12 milionë euro të Fidel Yllit?
Vajzat kuqezi të ekipit U20 u mundën sot nga ekipi serb me rezultatin e turpshëm 116: 22. Ky është një...
