Veteranët e Luftës antifashiste nacional-çlirimtare kanë zhvilluar homazhe në varrezat “Dëshmorët e Kombit”.
Me pankarta në duar dhe me foton e ish-diktatorit Enver Hoxha ata kanë përkujtuar luftën antifashiste. Të indinjuar me ceremoninë shtetërore për varrimin e eshtrave të Mit’hat Frashërit kanë bërë thirrje kundër qeverisë Rama duke e quajtur neoballiste.
“Poshtë qeveria neoballiste e Edi Ramës!”, deklaruan ata duke akuzuar Mit’hat Frashërin si tradhëtar që masakroi shqiptarë duke i çuar në kampet e përqëndrimit nazist.
Sipas tyre Enver Hoxha është një udhëheqës gjenial që shpëtoi Shqipërinë.
“Shqipëria u rreshtua në krah të fituesve, falë udhëheqësit gjenial Enver Hoxha, Shqipërinë e priste copëtimi territorial, ashtu siç ndodhi me vendet e tjera…”, u tha ndër të tjera.
Mes pankartave ishte dhe ajo “Bularati është Shqipëri”.
