Vijon protesta e banorëve të Unazës së Re. Në ditën e 24 të protestës ata kërkojnë plotësimin e kërkesave të tyre, ndërkohë që vazhdon mbledhja e firmave për peticionit drejtuar Arta Markut. Një nga banorët për Fax News akuzoi një polic me emër, i cili sipas tij bën diversantin dhe i godet gjatë protestës.
Ai shtoi gjatë fjalës së tij që minimuni për efektivët e policisë është të paraqiten me uniforma që të jenë të identifikueshëm për minorenët.
“Këtu edhe mund të kënaqen. Sot nuk kanë asnjë garanci që punonjësit e policisë mund të jenë edhe civil kur kanë tentuar të më godasin, kam kërkuar të kenë uniformë dhe jo civil. Nëse je ti që provokon, nuk e di tjetri, nëse je ti që shtyn në turmë nuk e di tjetri, nëse hedh kapsoll nuk e di tjetri. Në shtetin gjerman të japin subvecion për këto që po bëjnë.
I bëj thirrje Gëzim Tales të lër spiunlliqet të lërë diversionet, ky person është non grata në Unazë të Re. Vish uniformën e policit dhe hajde përballu me mua.
Më kanë përcjellë të gjithë të komisariatit nr dy etj. Dhunë nuk kam përdorur, nëse hyjnë policët civila nuk e njeh minoreni. Këto metodat t’i harrojnë, marr guximin të përmend emrin e Gëzim Tales, të tjerët do t’i përmend me rradhë. Unë jam dëshmitar kur ndiqte personat, dum dumat për 50 mijë lekshat. Një ditë të bukur në drekë, se nuk vuj nga harresa, mua më kanë ardhur në shtëpi kanë marrë një projekt që kisha marrë te zyra e planeve, unë nuk jam dekonspirues. Ta harrojnë gjuetinë e shtrigave”, u shpreh ai. /Faxweb.al/
