Banorët e “Astirit” janë mbledhur sërish, teksa protestojnë kundër shembjes së banesve dhe bizneseve të tyre nëse nuk do të dëmshpërblehen në masën 100%.
Ashtu edhe si herët e tjera, sot në të 18-ën ditë të protestës, banorët shprehen të vendosur se nuk do të ketë negociata pa u dëmshpërblyer në 100% të vlerës së pronës së tyre, ndërsa kanë bllokuar sërish rrugën. Banorët janë shprehur se nuk janë zabtues siç kryeministri sipas tyre ka zaptuar Surelin dhe gjithë Shqipërinë.
Njëri prej banorëve paralajmëroi Kryeministrin teksa tha se nuk mund t’i vrasë të gjithë, por edhe nëse do ta bëjë, ata do ta marrin me vete.
Protestës së tyre i janë bashkëngjitur edhe banorët e prekur nga “Bulevardi i ri”, të cilët mbështetin banorët që të jenë të vendosur, në të kundërt nuk do të marrin atë që u takon. Ata janë shprehur se nuk janë shpronësuar dhe janë larguar nga shtëpitë e tyre pa i dëmshpërblyer.
