Nga Nebih Bushaj
Bashkia Tiranë me mbështetjen e qeverisë ditët e fundit filloi projektin e zgjanimit të asaj që njifet si Unaza e Re. E përveç ksaj u ba publik edhe ndërtimi i mbikalimit te ish-shqiponja tashma. Deri ktu bukur shumë. Domethanë përveç faktit se t’prekunit prej ktij zgjanimit kanë dalë me protestu se po i nxjerrin n’rrugë. Ironike n’vetveti n’fakt, po i nxjerrin n’rrugë për nji rrugë. Nejse, se kja asht temë tjetër, jo e parandsishme veç!
Ajo që m’shqetëson mu si student i urbanistikës dhe urbanist i ardhshëm, pse jo si qytetar i thjeshtë i ktij vendit, asht fakti se me punimet që po bahen po tentohet të lidhen dy autostrada shumë t’randsishme ndërurbane me anë t’nji segmentit urban. Pra kena autostradën e Durrësit nga veriu e atë të Elbasanit nga jugu, e jo vetëm po gjysës së jugut mbasi gjysa tjetër vjen kah Durrësi, qe kanë me u lidhë nëpërmjet ktij segmentit. Por ky segment asht pjesë e unazës së madhe, apo të re, patato – patejto ky muhabet, që i shërben vetë qytetit të Tiranës për qarkullim t’mbrendshëm.
Me fjalë t’thjeshta popullore, nji që vjen prej jugut për n’veri apo anasjelltas ka me kalu nepër ket segment, se normal s’ka me hy deri te Skenderbeu, ndërkohë qe edhe nji që vjen prej Saukut për n’Laprakë(Kamëz etj) përdor fiks kët segment. Kjo gja n’fakt ndodhë edhe sot. Por siç duket kta qeveritarët tonë mendojnë se tu e zgjanu si rrugë ka me lehtësu trafikun. Gja që bota na e ka provu me kohë që asht gabim. Nji analogji të tillë e gjejmë edhe n’Londër, me autostradën M25 që i sillet Londrës, edhe pse n’përmasa disa herë ma t’mëdha. Edhe zgjanimi i segmenteve rrugore na asht provu prej Los Angelosit si shembulli ma klasik sesi ka sjellë vetëm shtim të trafikut.
Ajo që do t’sillte ranie të trafikut n’fakt do t’ishte bypass-i i Tiranës, me fillim tek rruga e aeroportit që del në lumin Erzen afër Kombinatit e që vazhdon përgjatë Erzenit deri tek autostrada e Elbasanit. Kësisoj trafiqet e jashtëm e t’mbrendshëm nuk përzihen njeni me tjetrin duke sjellë edhe ranien e trafikut mbytës. Ky bypass edhe sikur të ndërtohej vetëm me dy korsi si fillim do ta zgjidhte krejt mire problemin me përziemjen e trafiqeve n’kryeqytet. Mandej me kalimin e kohës mund t’plotësohej me dy korsi shtesë për me marrë formen e plotë të nji autostradet.
Përveç kësaj, do t’ishte mirë që, n’vend se me zgjanu unazën e re me ndërtu nji segment që kryqëzohet pingul me unazën, segment ky që vjen prej Yzberishtit e që përfundon në Laprake tek rruga e Spitalit Ushtarak. Ky segment e kishte lehtësu shumë unazën e re që përdoret për komunikim me nji pjesë t’madhe të qytetit prej atyne qe vijnë nga pjesa perëndimore e ti.
Kështu me këto ndërhymje nuk do t’ishte e nevojshme jo vetëm zgjanimi i unazës por as ndërtimi i mbikalimit te ish-shqiponja tashma. Rrethrrotullimi ekzistues e kishte zgjidhë majft mirë at trafik t’mbetun mbasi pjesa ma e madhe t’ishte heq prej ndërhymjeve që përmenda ma nalt.
Edhe pse nuk pres që t’më ndigjohet fjala se nuk jam hala specialist, ajo që s’kuptoj asht mosndërhymja e specialistëve të fushës për me dhanë nji mendim edhe ma t’pjekun se i jemi për kët çështje, mbasi të gjitha rrugët nuk duhet t’na çojnë nga Unaza e Re.
