Tifozët skocezë po marrin vëmendjen e shqiptarëve për shkak të veshjes së pazakontë që kanë. Kushdo i ka hasur në rrugë ka kthyer më së paku kokën, ndërsa të shumtë janë edhe ata që i kanë fotografuar. Por për ta futbolli kalon përtej lojës, e këtë e tregon edhe bujaria që kanë treguar ndaj nesh.
Ata kanë grumbulluar një fond prej 5 mijë paundësh të cilin do ta japin si donacion në vendin tonë për bamirësi. Nëpërmjet ambasadës britanike në Tiranë ata kanë kontaktuar një organizatë e cila operon në Shqipëri dhe ndihmon fëmijët me Sindromën Down, me autizëm dhe nevoja të veçanta.
Skocia do të luajë kundër Kombëtares tonë në Ligën e Kombeve.
