Deputetja Albana Vokshi shprehet se Vangjush Dakon nuk do ta shpëtojnë nga burgu as statuset e rëndomta të shkruara në dëshpërim dhe as kërcënimet me padi.
Demokratja ironizon duke u shprehur se “se ditët në burg janë monotone, e të fortët i shtyjnë me barcaleta dhe me anekdota.”
Vokshi shkruan:
DOSJA Nr. 339 “BËRTET” SHUMË FORT
Më vjen mirë që Zoti Dako ka filluar të mbledhë barcaleta.
Thuhet, se ditët në burg janë monotone, e të fortët i shtyjnë me barcaleta dhe me anekdota.
Është përgatitje e mirë për të ardhmen që e pret. Banditët politikë dhe banditët e rrugës do të përfundojnë në burg që të çlirohet Durrësi dhe gjithë Shqipëria nga krimi, betoni dhe xhuxhëria njerëzore dhe mendore.
Dosja nr. 339 “bërtet” shumë fort.
As statuset e rëndomta të shkruara në dëshpërim, as kërcënimet me padi, nuk e shpëtojnë dot z. Dako nga destinacioni i rradhës: burgu.
