Kryeministri flet për shifrat e publikuara nga ministria e Financave për realizimin e të ardhurave në dogana e Tatime për 3-mujorin e parë të këtij viti
Ministria e Financave, prezantoi sot shifrat e realizimit të të ardhurave për tremujuroj e parë të këtij viti dhe fazën e dytë të aksionit anti-informalitet. Sipas shifrave, të ardhurat e tremujorit të parë të këtij viti janë realizuar përtej objektivave të vendosura. I pranishëm në këtë aktivitet, kryeministri rama tha se të ardhurat vetëm nga tatimet janë realizuar në mbi 20% më shumë se e njëjta periudhë e një viti më pare.
“Kemi arkëtuar afro 100 mln dollarë më shumë, për të qenë të saktë 96 milion më shumë vetëm nga Tatimet. Mbi 20% më shumë se e njëjta periudhë e një viti më parë. Muaji mars që dihet se është ndër muajt më të vështirë u mbyll me realizim objektivash nga dy administrat me një rritje shumë të ndjeshme nga marsi i vitit të kaluar.Kemi regjistruar një rritje të ndjeshme në produktet e akcizës. Kemi filluar mbylljen përfundimtyare të shtigjeve të kontrabandës.Në fund të këtij viti mund të kemi rezultatet impresionese. Këtë rritje që e shohim në tre muajt e parë mund ta konstatojmë në fund të vitit si rritjen më të madhe ndonjëherë”, tha Rama.
