Kryetari i PDIU-së Shpëtim Idrizi ishte sot i pranishëm në promovimin e librit “Çamëria, krahina më jugore e trojeve etnike shqiptare”.
Në fjalën e tij Idrizi ka falenderuar autorin e librit Sali Bollati dhe të gjithë historianët që nuk heshtën asnjë ditë duke ngritur zërin dhe duke shkruar për historinë e çështjes çame.
“Vepra e Sali Bollati është një përgjigje e drejtëpërdrejtë për të gjithë ata që mendojnë që mund të bëjnë kompromis me çështjen kombëtare shqiptare. Historia e këtij vendi ka treguar e ka parë shum esadistë që kur nuk kanë arritur të bëjnë kompromis me Çështjen Çame.
Ne shqiptarët e Çamërisë kemi pritur kemi duruar, por ne ja bëjmë të qart çdo njeriu ne nuk na mundi dhe nuk na vrau dot Napoleon Zerva, ne nuk na i shkuli dot rrënjët dhe nuk na ndau nga dashuria për atëdheun as regjimi komunist i Enver Hoxhës dhe mbi të gjitha ta harrojnë se mund ta bëjnë sot pinjollët e tyre. Nuk mund t’i pranojmë esadistët e rinj që dalin dhe flasin për historinë për të kaluarën tonë sepse nuk bëhet kompromis me Çështjen Çame.
Çështjes Çame duhet t’i përgjigjet ministri ynë i Jashtëm. Nuk bëhet kompromis me Çështjen Kombëtare. Politika duhet t’i japë dinjitetin shqiptarëve të Çamërisë”, u shpreh Idrizi.
https://www.facebook.com/pdiu.al/videos/501329827013475/
