Nga Dritan Laci
Xhisielën e takova mbrëmë në Opinion.
Me aq pak kohë sa pata mundësi ta njoh u rreka të krijoj një profil sa etnografik aq edhe një mozaik të personalitetit të saj.
Xhisiela erdhi e veshur mire, me celular të shtrenjtë, shume më të mirë se i imi.
Ishte një vajze që na tha pas kuintave që nuk punonte por e mbanin hallat e dajat që kishte në emigracion, ku edhe shkollën për Shkenca Politike në privat ia kishin paguar po të afërmit e shumtë që kishte jashtë.
Që na tha se duhet të besonim që nuk kishte nevojë t’ia blinte djali i deputetit jetesën e mirë.
Xhisiela ishte një vajzë sanguine, impulsive, me natyrë posesive që mesa kuptova nga ajo pak bisedë që bëmë, bënte gjithçka për të arritur dëshirat e saj dhe që ishte në kërkim të vëmendjes së vazhdueshme.
Pra le ta themi që ishte një vajze që e pëlqente dhe e kërkonte jetën e mirë.
Por që sërish për të disatën herë rrekej ta besonim që nuk ishte kjo arsyeja e lidhjes me një djalë deputeti.
Xhisiela kishte një tik në të folur që ndodh zakonisht te personat sanguinë, që shoqerohet me nxitimin në ngrënien e fjalëve dhe tharjen e sekrecioneve të pështymes, gëlltitjen, sa herë motorri proceson gënjeshtrën.
Xhisiela përpiqej të jepte përshtypjen e lirshmërisë të një vajzë të shpenguar por sytë e tradhëtonin sa herë gjendej përballë interesimit mbi lidhjen sentimentale me Rexhep Rrajan, djalin e deputetit Rrahman Rraja.
Kishte dukshëm një tension të vazhdueshëm të brendshëm që i reflektohej në përpjekjen për të shmangur herë pas here shikimin e drejtëpërdrejtë me folësin përballë.
Kjo përsa i përket asaj që unë arrita të analizoja në ato pak momente që e hasa dhe bisedova.
Për pjesën tjetër unë them se ajo vajzë tashmë është peng.
Është në një hall të madh.
Është peng i dëshirave të një vajze fshati që u lidh me djalin më të fuqishëm të zonës.
Që e merrte me makinë të shtrenjtë.
Që e çonte në hotel si asnjë vajzë tjetër e fshatit.
Që i plotësonte çdo tekë.
Unë e besoj që ajo e ka dashur dhe ndoshta e do akoma Rexhep Rrajan.
Ja po e besoj edhe që e denoncoi nga xhelozia apo smira se humbi shumë priviligje që ia mori një rivale.
Por tani e tutje kjo nuk është më puna e Xhisielës.
Sa kohe Xhisiela ka shkuar pranë Mjekësisë-Ligjore dhe kjo e fundit ka konstatuar shenja dhune, çfarë do që të thote kjo vajzë nëpër televizione nuk e shpëton dot dhunuesin e saj.
Çfarë do që të thotë Xhisiela se ajo edhe boyfriendi i saj luanin sadomazokizmash para aktit seksual duke shuar cigare në trupin e njëri-tjetrit, nuk e shpëton dot dhunuesin e saj sa kohë loja ka dalë nga dhoma dhe ka përfunduar në organet ligjzbatuese.
A po e përdor opozita për politike?
Po sigurisht që do ta përdorte çdo opozitë në të gjithë botën, sa kohë i përfshirë është djali i një deputeti kundërshtar dhe babai i tij përdor të gjithë influencen që ka për të mbyllur ngjarjen.
A është e rrezikuar Xhisiela.
Ndoshta Xhisielës mund të mos të mos i paraqitet asnjë rrezik në vazhdim.
Por kjo e them prapë nuk është me punë e Xhisielës.
Është punë e drejtësisë.
Të gjithë ata që po e përdorin tashmë janë të demaskuar në lojën e tyre.
Rexhep Rraja paçka se është djalë deputeti meriton të hetohet dhe gjykohet ashtu si biri i thjeshtë i popullit.
Në të kundërt ne si shoqëri kemi gjithë të drejtën t’i kërkojmë llogari politikës për mbrojtjen që u ben Xhepave të tyre.
