Haxhinasto: Së shpejti hapet Aeroporti i Kukësit për fluturime ndërkombetare
Qeveria i heq koncesionarit të Aeroportit të Rinasit, TIA, eskluzivitetin e fluturimeve ajrore. Marrëveshja mes kompanisë dhe autoriteteve qeveritare është nën shkruar sot në Ministrinë e Transporteve. Nën ceremoninë e nënshkrimit të kësaj marrëveshjeje ishin të pranishëm Ministri I Transporteve Edmond Haxhinasto, ministërja e Ekonomisë Milva Ekonomi si edhe drejtues të TIA. Marrëveshja arrihet pas më shumë se një viti negociata. TIA e kishte marrë eskluzivitetin për fluturimet ajrore që kur nisi koncesionin në vitin 2004. Ministri Haxhjinasto tha në ceremoninë e firmosjes së marrëveshjes se heqja e eskluzivitetit është një ditë e shënuar për tregun shqiptar.
Pak ditë më parë koncesionari i Rinasit, TIA ka njoftuar se është në negociata me një kompani kineze për të shitur të drejtën e administrimit të Aeroportit të Rinasit.
Ministri Haxhinasto ka lajmëruar gjtihashtu se së shpejti do të hapet Aeroporti i Kukësit për fluturime ndërkombetare. “Ne do të fillojmë menjëherë për të marrë hapat përkatës për të bërë operacional aeroportin e Kukësit. Aeroporti i Kukësit do të fillojë menjëherë pas kësaj. Kjo do të krijojë mundësi të menjëhershme edhe për të hyrë edhe në marrëdhënie koncesionare me investitorë të tjerë” tha Haxhinasto
