Të ardhurat në fund të 2015 ranë më 10 për qind
Të ardhurat që emigrantët sjellin në Shqipëri kanë qenë me rënie gjatë gjithë gjysmës së dytë të vitit 2015. Në periudhën tetor-dhjetor 2015, sipas statistikave të BSH ishin 154 milionë euro, ose 10 për qind më pak se e njëjta periudhë e vitit të kaluar. Rënia e të ardhurave nga emigrantët vijon të jetë thellësisht e ndikuar nga efektet e krizës në Greqi, ku jetojnë pjesa më e madhe e tyre. Remitancat, sic njihen ndryshe të ardhurat nga emigrantët kanë vijuar me një trend rënës që prej vitit 2008, kur filloi kriza ekonomike globale. Megjithatë në total, për vitin 2015 dërgesat e emigrantëve kanë qenë 589 milionë euro, ose 1 për qind më më shumë se një vit më parë. Ekspertët e shpjegojnë rikthimin e kësaj rritje të lehtë të remitancave me fluksin e ri emigrator të viteve të fundit.
