Nga Klodian Tomorri
Si luftohen monopolet?
Pas pritjes 35 minuta në stacion erdhi urbani. Shikoni se si fuqia e monopolit përdoret kundër publikut deri në përdhunimin dhe përdhosjen e integritetit të qytetarëve.
Në vitin 2016 rregulltori, dmth Bashkia njoftoi reforminin e shërbimit të transportit publik në kryeqytet. Hapi i parë i reformës ishte rritja drastike me 33.3 për qind e çmimit të biletës nga Këshilli Bashkiak. Argumenti ishte gjithmonë ai përmirësimi i shërbimit.
Deri tani efekti i vetëm i reformës ka qenë rritja drastike dhe galopante e çmimit te biletës me 33 për qind. Dhe “Unaza” është linja me shërbimin më të mirë. Linjat e tjera janë edhe më katastrofë.
Pse ndodh kjo? Unë nuk di të them nëse rregullatori është i kapur nga industria. Por është e sigurtë qe nëse rregullatori nuk do kjo situatë nuk mund të ndodh.
Si zgjidhet kjo? Përgjigjen e dha Barack Obama dje.
“Nëse je i pakënaqur nga ato që ndodhin mos cicëro. Mos u anko në bisedat e kafeneve me miqtë. Dil voto”.
Rregullatorët dhe çdo nëpunës zyrtar duhet të ketë frikë nga qytetarët. Sa herë që nuk i shërbejnë qytetarëve por favorizojnë interesat e ngushta, ata duhen çuar në shtëpi, përndryshe shtypja bëhet edhe më e fortë.
Siç tha Obama, indiferentizmi i qytetarëve është kërcënimi më i madh i demokracisë.
