Ambasadorja, aq shumë e përfolur e Bashkimit Europian në Tiranë, Romana Vlahutin ka kumtuar, se e premtja ka qenë dita e saj e fundit si diplomate në Tiranë. Ajo ka shkruar një mesazh të shkurtër lamtumire, kurse largohet, teksa është vënë shumë në dyshim nga opozita për marëdhënie më shumë se bashkëpunuese me qeverinë, por dhe shumë e dashur e nga e majta në pushtet që së fundmi e shpalli qytetare nderi të Vlorës.
Mesazhi i saj lamtumirës:
Sot është dita ime e fundit si Ambasadore e BE-së në Shqipëri.
Do të jem gjithnjë mirënjohëse për mundësinë që pata për të punuar në të mirë të Shqipërisë dhe Bashkimit Evropian.
Shqipëria po ecën qëndrueshëm drejt vendit të saj në Bashkimin Evropian, dhe unë mund t’ju uroj veç fuqi dhe vendosmëri për ta arritur këtë qëllim sa më shpejt.
Për mua, ka qenë dhuratë e çmuar ta ndaj jetën me njerëz të mirë dhe që e kisha Shqipërinë shtëpi për katër vitet e fundit.
Faleminderit.
Ambasadorja Vlahutin
