Britania e Madhe po përballet me temperatura të pazakonta. 37 gradë celsius ka shënuar sot termometri në Londër, ndërsa zjarret kanë përfshirë disa pjesë të vendit. Britania e Madhe është goditur gjithashtu nga 50.000 rrufe që pritet të pasohen nga një stuhi.
Ndërkohë, pasagjerëve u është thënë të shmangin udhëtimet me trena pasi rrufeja ka dëmtuar sistemin e sinjalizimit të linjës Leeds-York.
Edhe pse pamjet nga Britania janë të pazakonta, fatmirësisht nuk ka raportime për të lënduar ndërsa flitet për disa dëme materiale.
“The Sun”, megjithatë sheh edhe anën pozitive që mund të kenë këto temperatura të pazakonta për Britaninë. “Aktualisht në Britani janë shënuar temperatura më të larta se në të gjithë Europën dhe kjo mund të shkaktojë fluks pushuesish”, shkruan prestigjiozja.
