Konfirmohet në detyrë kryetari i Gjykatës së Lartë Xhezair Zaganjori. Komisioni i Pavarur i Kualifikimit vendosi sot që Zaganjori të vijojë detyrën në krye të organit më të lartë të gjyqësorit.
Trupa gjykuese përbëhet nga kryetari Olsi Komici, me anëtarë Roland Ilia dhe Pamela Qirko ndërsa Zaganjori nuk ishte i pranishëm në seancë.
Aktualisht Gjykata e Lartë është me vetëm 6 anëtarë, ndërsa në ditët në vijim pritet që të kalojnë në filtër edhe anëtarët e tjerë.
Në seancën e kaluar në datë 20 korrik Komisioni i Pavarur i Kualifikimit konstatoi se Xhezair Zaganjori shmangu tatimet dhe gënjeu për pronat, Sipas KPK, ai ka shmangur detyrimet tatimore ndaj shtetit, duke gënjyer për vlerën e pronave të regjistruara në hipotekë me vlerën e tyre reale. Pasuria e kryetarit të Gjykatës së Lartë llogaritet rreth 1 miliard lekë.
