Pak orë para koncertit që Emal Meta do të mbajë në Sheshin Skënderbej ka marrë pjesë në një bashkëbisedim me të rinjtë në Tiranë.
Duke iu përgjigjur pyetjeve të të rinjve Ermal Meta tha se “nga tre shqiptarët që ishim në Eurovision Eugenti këndoi më mirë, më erdhi turp që Italia nuk dha 12 pikë”.
Gjatë konferencës ai pohoi se ka shkruar muzikë shqip, por shtoi se ka të vështirë të shkruajë në gjuhën mëmë pasi e ka zhvilluar kreativitetin italisht.
“Kam shkruar disa këngë shqip, por jam rritur në Itali dhe zhvillimin e kreativitetit e kam bërë në italisht. E kam të vështirë të shkruaj shqip, sepse gjuha shqipe është shumë e pasur por kam nevojë ta studioj më saktë gjuhën”, tha Ermali.
