Vetëm arti do mund ta sillte Valbonën nga Tropoja në Tiranë. E Valbona krenare nuk zbret nga qejfi “në qytet”, por nga halli. Ndoshta i duket se në kryeqytet zgjidhjet janë më të lehta.
Lumi Valbona do të rrjedhë sonte artistikisht në Sheshin Skënderbej, në formë proteste kundër HEC-eve që e kërcënojnë.
“Nën sulmin e 14 HEC-eve të planifikuara – 3 prej të cilave janë tashmë në ndërtim e sipër – lumi Valbonë është ndër të fundit lumenj të egër të mbetur në Europë, si dhe zemra e Parkut Kombëtar të Luginës së Valbonës në veriun e Shqipërisë. Protesta është një apel ndaj vendimarrësve, në veçanti ndaj kryeministrit Edi Rama, për të ndalur ndërtimin e HEC-eve në Parkun Kombëtar, për të mbrojtur lumin, dhe ekosistemin unik të tij, si dhe komunitetin e banorëve që jeton aty.
Ky projekt shpreh artistikisht zemërimin e Valbonës që me përmes të anës vizuale dhe zërit të saj origjinal do të oshëtijë në qendrën e kryeqytetit si një alarm për të reflektuar dhe ndaluar shkatërrimin e perlave shqiptare. Kjo forme arti-proteste tenton t’i japë Valbonës forcën e vetë-protestimit në publik“, shkruan Friends of Valbona.
