Portieri legjandar Gianluigi Buffon do të ketë ndeshjen e fundit me Juventusin këtë të shtunë. Gianluigi Buffon ka konfirmuar se do të largohet nga Juventusi në fund të sezonit pas 17 vjetësh në klub.
Mirënjohës, krenar dhe I emocionuar, Gigi ka lajmëruar largimin e tij nga Zonja e Vjetër. “Të shtunën do të jetë ndeshja ime e fundit me Juventusin”, tha Bufffon.
Gjatë konferencës për shtyp Buffon tha: “Frika ime ishte të vija në fund të aventurës sime me Juventusin por jam shumë krenar për ato që kam arritur. Do t’u jem mirënjohës të gjithëve ju përgjithmonë”.
Sa i përket planeve të së ardhmes Buffon tha: “E vetmja gjë e sigurt është se të shtunën do të luaj ndeshjen time të fundit me Juventus-in, nuk heq dorë nga këshillat e Agnelli-t. Deri para 15 ditësh ishte e sigurt që do të tërhiqesha. Më pas erdhën shumë oferta për sfida stimuluese brenda dhe jashtë fushe, atë më interesanten jashtë fushës ma ka bërë president Agnelli. Javën e ardshme do të marr një vendim përfundimtar dhe të sigurt, duke ndjekur natyrën time.”
https://www.facebook.com/Juventus/videos/2254689351224948/
