Ndërsa fliste për akuzat e PD ndaj Xhafajt Rama ka deklaruar se ai nuk do të mbrojë askënd kur është fjala për t’u përballur me akuzat e drejtësisë.
“Në PS secilit i është dhënë një punë por vendin e punës duhet ta mbajë vetë. Nuk jam i gatshëm dhe nuk mbroj askënd kur është fjala për t’u përballur me akuzat e drejësisë. Nuk di të tallem me nderin që më kanë dhënë ata që më kanë zgjedhur. Po të mos besoja në ato që them nuk do të gjeja fuqi të zgjohesha në mëngjes”, tha Rama.
Kreu i qeverisë deklaroi se vepra e kahershme e njërit vëlla nuk është provuar kurrë të ketë qenë e lidhur me veprimtarinë aktuale të Xhafajt.
“Vëllai i tij po shkon me këmbët e veta në burg, Xhafaj s’ka pse përgjigjet as moralisht, as ligjërisht”, tha Rama.
Vulëhumbur pa atdhe, dhe të çoroditur nga frika e drejtësisë i quajti Rama opozitën.
Ai shtoi se ka kërkuar agjenci të specializuar ndërkombëtare për ekspertizë shkencore të përgjimit audio të publikuar nga opozita.
“Ky sekret mafioz u zbulua nga opozita jonë dhe u shpërnda jo vetëm në median tonë që pati një shok amnezik dhe nuk u kujtua dot se sa shumë herë të tjera në këto vite, po në të gjitha faqet e Facebook të ministrave të vendeve anëtare të BE. Ministri i Brendshëm dora vetë paska qenë dhe diversant i krimit të organizuar në krye të komisionit të reformës, ku ka futur në fshehtësi një nen klandestin me qëllim mosekstradimin në Itali të vëllait të tij. Lavdi Zotit që shqiptarët kanë opozitën syfajkua e hundëçakall që zbuloi këtë akt mafioz kaq tronditës për mediat tona, duke u bërë thjesht një pyetje partnerëve të EURALIUS dhe OPDAT. Kjo provë ulëritëse e vërtetësisë së parullave mori dhenë në mediat tona dhe gjithë kanalet ndërkombëtare të lobimit opozitar për të çelur negociatat për anëtarësim. E gjitha do të ishte një parodi për të qeshur nëse nuk do të kishte ndodhur me të vërtetë që e gjithë kjo shfaqje poliitke nuk do të kishte helmuar realisht gjakun e shumë qytetarëve të ndershëm të këtij vendi, baltosur Shqipërinë jashtë vendit që mezi presin lajme nga opozita.Kjo është një maskaradë e mirëfilltë destabilizuese e vënë në skenë për ti thënë Europës se ky është një vend ku ministria e Brendshme është vetë organizata mëmë e krimit të organizuar dhe trafikut të drogës, dhe për tu thënë shqiptarëve sa të jetë Edi Rama në qeveri minsitrat e brendshëm do të jenë eksponentë të lartë t botës së krimit global. Dhe si e tillë maskarada kësaj here meriton një përgjigje të qartë në rrafshin politik, po dhe shembullore në rrafshin e hetimit dhe ndëshkimit penal”, tha Rama.
https://www.facebook.com/edirama.al/videos/10155811484471523/
