Në natën e mbrëmshme të “Eurovision 2018” u prezantua edhe shteti i Serbisë, i cili u përfaqësua nga këngëtarja Sanja Ilic dhe Balkanika, me këngën “Nova Deca”.
Pasi kanë mbaruar performancën e tyre, vetëm pak sekonda më vonë, është shfaqur flamuri i Kosovës. Kjo është bërë përmes dy telefonave, të cilët shfanin flamurin e Kosovës, detaj ky i cili u kap edhe nga kamerat dhe u transmetua direkt.
Një ngjarje e tillë është komentuar shumë në rrjetet sociale, veçanërisht nga serbët, të cilët kanë kritikuar edhe vet “Eurovisionin” për transmetimin e këtyre pamjeve duke i quajtur provokuese.
Kosova ende nuk ka të drejtë pjesëmarrje në “Eurovision”, kjo pasi nuk është anëtare e EBU (Unioni i transmetuesve të Evropës).
