Ka vdekur në moshën 24-vjeçare aktivistja e Vetëvendosjes Nita Rexha. E reja, prej një muaji ka qëndruar në koma pas një aksidenti të rëndë që i ndodhi në Landovicë.
Deputetja nga radhët e Lëvizjes Vetëvendosje, Arbërie Nagavci ka bërë të ditur se aktivistja e kësaj partie, Nita Rexha është larguar nga jeta duke i kushtuar disa fjalë prekëse.
“E ëmbla jonë Nita Rexha. Na trondite e trishtove pamasë me largimin tënd të hershëm nga kjo botë! E dashur, vetëm fizikisht nuk do të jesh me ne. Do të mbetesh gjithnjë në kujtimet tona më të bukura, secili aktivist do të kujtojë buzëqeshjen, çiltërsinë dhe energjinë tënde pozitive! Gjakova sot ndan dhimbjen me familjen, miqtë e shoqërinë, ishe e të gjithë neve! Pusho në paqe, e mira Nitë”, ka shkruar ajo.
