Një aksident automobilistik ka ndodhur pasditen e sotme në qytetin e Fierit. Drejtuesi i një autoveture tip BMW, ka përplasur një këmbësore në lagjen “11 janari”.
E aksidentuara është shoqëruar në spitalin rajonal të Fierit, ku vazhdon të trajtohet në sallën e reaminacionit.
Mësohet se e dëmtuara ka marrë plagë të rënda si pasojë e përplasjes në asfalt. Nuk dihet ende nëse e dëmtuara ka dalë apo jo nga rreziku për jetën.
Paraprakisht dyshohet se shkak i aksidentit ka qenë shpejtësia me të cilën udhëtonte drejtuesi i mjetit i cili është shoqëruar.
