Presidenti i Serbisë, Aleksandar Vuçiç ka marrë pjesë sot në një tryezë të rrumbullakët ku u diskutua për dialogun e brendshëm për Kosovën.
Vuçiçi ka thënë se si president, i ka dy zgjidhje për Kosovën.
“Numri më i madh i pjesëmarrësve në dialogun e brendshëm për Kosovën, kanë avokuar se duhet ta ruajmë status-quon dhe ruajtjen e konfliktit të ngrirë, dhe të shikojmë për disa mundësi më të mira. Konflikti i ngrirë me kalimin e kohës nuk i jep asgjë Serbisë, pala tjetër do të jetë në një pozicion më të mirë. Kur të plotësohet gjithçka e nënshkruar në Bruksel, ne jemi të gatshëm të vazhdojmë bisedimet”, tha presidenti serb.
Presidenti serb kritikoi Policinë e Kosovës për arrestimin e Gjuriqit. “Arrestimi i Gjuriqit ishte vetëm një nga 1 mijë përpjekje për ta marrë veriun”, përfundoi Aleksandar Vuçiç.
Ndryshe, presidenti serb ka paralajmëruar se deri në qershor do të dalë me një propozim që të zgjidhet problemi me Kosovën.
