Ka përfunduar takimi i krerëve të shtetit të Kosovës në Prishtinë. Pas këtij takimi ka folur vetëm kryeparlamentari Kadri Veseli, i cili ka thënë se ajo që ka ndodhur dje ka qenë një gabim i dëmshëm për qytetarët dhe Republikën e Kosovës.
Veseli ka shtuar se janë duke i marrë të gjitha masat dhe se do t’i shkojnë deri në fund kësaj çështje.
“Ka pasur defekte brenda institucioneve tona dhe ka ndodhur gabimi dje. Nuk do të ndodhë më kurrë asnjëherë diçka e tillë, ka qenë gabim i dëmshëm për qytetarët dhe Republikën e Kosovës.
Jemi duke i marrë të gjitha masat që t’i shkojmë deri në fund kësaj çështje. Kurrë më shumë nuk na duhet besimi i qytetarëve se sot”, u shpreh Veseli.
