Lista Serbe do të largohet nga qeveria e Kosovës dhe do të fillojë të formojë Asociacionin e Komunave Serbe në Kosovë, në fillim të muajit të ardhshëm.
Kështu ka thënë kryetari i Listës Serbe, Goran Rakiç, siç shkruajnë mediat serbe. Siç tha ai, Presidenti serb Aleksandar Vuçiç tashmë është informuar për këtë, me të cilën përfaqësuesit e Listës Serbe kishin një takim në Beograd.
Rakiç u shpreh se ky nuk ishte vetëm sulm brutal klasik, por një sulm terrorist, më shumë mbi popullin e paarmatosur serb.
Në përgjigje të arrestimit të Marko Gjuriçit një ditë më parë dhe largimit të tij me forcë nga Kosova, serbët bllokuan disa rrugë në veri me makina e kamione, një praktikë kjo aspak e re për ta.
Për këtë arsye, qarkullimi në rrugën nga Mitrovica për në Zveçan dhe Leposaviç, ka pasur vështirësi të mëdha.
