Deri dje në botë ekzistonte vetëm një rinoceront i bardhë mashkull dhe ai mbahej 24 orë nën vëzhgim. Por pas disa muajsh në gjendje jo të mirë shëndetësore, Sudan, 45 vjeç ka ngordhur.
Deri në korrikun e vitit 2015 në botë kishte dy të tillë, por rinoceronti Nabire ngordhi duke e lënë Sudan të vetmin thesar të kësaj race në botë. Tashmë as ai nuk është më.
Në pamje të parë kafsha bënte jetën që kanë edhe rinocerontët e tjerë, por shkalla e lartë e sigurisë që e përndiqte dëshmonte që ishte i vetmi mashkull i këtij lloji në të gjithë botën, ndoshta e pakuptueshme për kafshët por shumë e qartë për njerëzit.
Kafsha la pas vetëm dy rinocerontë të gjinisë femërore, vajzën dhe mbesën e tij. Fatu dhe Najin, rinocerontët femra mbahen nën vëzhgimin e ekspertëve të cilët po mundohen të gjejnë një mënyrë që të shmanget zhdukja e këtyre kafshëve.
Kërkesa për këto kafshë është shumë e madhe në Azi pasi gjerësisht besohet se brirët e rinocerontit shërbejnë për të shëruar shumë sëmundje. Ekspertët thonë se brirët e rinoceronitit janë më fitimprurëse se droga.
