Arrestimi i kryebashkiakut të PD, Basha: Drejtësi të pandikuar nga politika për Fran Frrokaj

Kryetari i Partisë Demokratike, Lulzim Basha ka reaguar për herë të parë për arrestimin e kryetarit të Bashkisë së Lezhës, Fran Frokaj.

Në një deklaratë nga selia blu, Basha shtoi se PD shpreson që Frrokaj të jetë i pafajshëm dhe se hetimi për të duhet jetë transparent dhe jo politik.

“Nuk mund të drejtësi nëse Dako, Tahiri, Ahmetaj, Sejdini dhe një grusht kryebashkiakësh të korruptuar të kësaj qeveri nuk do të dalin para drejtësinë. Sot dua tu them të gjithë shqiptarëve se ne urojmë që Fran Frrokaj të jetë i pafajshëm.

Qëndrimi im dhe i PD-së është i pandryshuar, të gjithë duhet të jemi të barabartë para ligjit, por ne kërkojmë që hetimi të jetë transparent dhe i paanshëm. Shqiptarët kërkojnë një drejtësi të pandikuar nga axhenda politike selektive të orientuara nga një krah politik drejt një krahu tjetër.”, tha Basha.